My life in DK - a bleiku skyi

Flutt....

Tue, 12 Feb 2008 16:48:14 GMT

Vúhú.... ég er flutt.... fyrsta færslan komin á http://www.123.is/svanhildurb/ :haha:

þetta er ennþá allt að fæðast... en endlega breytið þessu í linkalistanum hjá ykkur... þið sem eruð með mig ;)

Hver vill koma í heimsókn....

Mon, 11 Feb 2008 14:17:51 GMT

Er að flytja....

Róleg... ekki þannig... er bara komin með leið á þessu endalausa veseni hérna á þessari blessaðri síðu... vantar líka stað fyrir myndirnar mínar... svo... 123.is here i come...

Læt ykkur vita betur seinna... en færslan um helgina fer þar inn...

Annars ætlaði ég líka bara benda félögum í netklúbbi express á tilboðið sem þeir voru að senda út.... verður að panta fyrir miðnætti á morgun... hver vill koma í heimsókn.... p.s. ef þú ert ekki í klúbbnum.... skráðu þig....

fyndið samt að þeir ætli að koma fólkinu burt úr snjónum.... felldu niður næstum öll flug um helgina... hehe

ááááiii...

Thu, 07 Feb 2008 21:08:11 GMT

Aum allsstaðar... átti erfitt með að skera matinn minn... get varla lyft höndunum... get eiginlega ekki skrifað þetta... fæturnir hreyfast bara útaf þrjósku... maginn vill láta geyma sig í mjúkum dún... vont að hlæja...

Já ég var í gyminu og tók vel á í bodypump tíma...

Bollur = engar... saltkjöt = ekkert... grímubúningur = spurning að skella sér í einum í gymið....

Wed, 06 Feb 2008 09:36:57 GMT

Blog central búið að liggja niðri í 2 daga... "trals" eins og danirnir segja... því ég hef svo mikið að segja... eða þannig ;)

Það er eitthvað undarlegt að gerast hér í Vejle... ég fór í "gymið" á mánudag... hitti svona personal instruktor sem fór með mér í gegnum slatta af æfingum og spjallaði helling... hann var samt fyndinn greyið... líklega svona 21 og gat ekki með nokkru móti horft í augun á mér án þess að verða eitthvað sktýtinn og hálf flissandi... hahaha... þá gerði ég auðvitað í því að ná augnsambandi og brosa mínu blíðasta :haha: skemmti mér konunglega... náði samt að fá strengi eftir það takk takk...

Búin að bóka mig í pilates tíma í dag + hálftíma intro á undan... og á morgun í klukkutíma bodypump... þokkalega á að taka á því núna... kemur svo í ljós hvort ég þarf að aflýsa tímanum á morgun af því að ég verð með svo mikla strengi...;) seinni tíma vandamál...

Og, bæði í gærkvöldi og á mánudagskvöldið var ég komin uppí rúm klukkan 10... hvað er það.... reyndar með bók sem ég las aðeins áður en ég fór að sofa.... en við erum að tala um mjög spennandi bók... og svoleiðis á ég erfitt með að leggja frá mér... núna... nó prob... ellimerki ?? :|

Köben um helgina... ekkert sérstakt planað... hlakka bara til að fara og knúsa litlu dúllurnar mínar og slæpast eitthvað... dýragarðinn jafnvel... og vonandi kíkja á nýju íbúðina hjá Ebba og Gunnellu.... ( er mér ekki örugglega boðið í heimsókn ;) )

Annars átti ég merkilegan dag í gær... var með á svona testkörsel af nýju námskeiði sem tvær hérna eru að búa til... önnur lærður leikari og hin lærður kennari... tek það framm að þær vinna ekki með mér beint... en jú í Academy... þetta átti að vera um hvernig maður notar líkaman þegar maður er að tala og hvernig maður beitir röddinni og notar hana... vúhú... búhú... þetta var mesta vitleysa sem ég hef tekið þátt í... hver æfingin á eftir annarri án þessa að tala nokkuð um afhverju við gerðum þetta, hvað við fengum útúr því og hvernig við gætum notað þetta... bleeee...

Í einni æfingunni áttum við að standa og öskra á hvort annað, bara finna einhverja ástæðu og á góðri íslensku "drulla yfir hvort annað"... ég byrjaði vel... á dönsku auðvitað... að öskra á eina að hún væri ömurlegur bílstjóri og ætti ekki að hafa ökuskírteini o.sv.f. hehehe... henni fannst það svo fyndið að hún gat ekkert öskrað á móti...

Næsta var ég ekki alveg búin að hugsa hvað ég ætti að vera reið útaf þegar hann byrjaði að öskra á mig og var kominn með hendina á loft mjög ógnandi.... ég ekki að fíla að láta jarða mig í einhverju svona öskraði bara eitthvað á móti... eftir smá stund tókum við eftir því að allir aðrir voru bara hlæjandi að horfa á okkur tvö... þá hafði ég fært mig á móti honum svo hann bakkaði alltaf ósjálfrátt, við erum að tala um mann sem er næstum 2 metrar algjör jaxl ( að fara að labba yfir grænlandsjökul takk fyrir) svo við vorum komin aðeins frá hinum... og ég að öskra á mínu hæsta Á ÍSLENSKU... :haha: þau báðu um þýðingu á því sem ég hafði verið að segja... fengu hana klárlega ekki...

Fyndið samt... svona hef ég aldrei gargað á nokkurn mann held ég... fyrir utan systkini mín ;) en það var nú meira í gamla daga... ekkert nýlega amk... + það að orðaforðinn og hugmyndafugið hefur aukist aðeins síðan þá... fáviti er ekki lengur það ljótasta sem ég kann...

Og þó... í réttunum´06 varð ég hoppandi vitlaus... uppá fjalli að smala yfir ánna og enginn kom og hjálpaði til... :evil: sátu bara sem fastast með blandið í hendinni á hnakknum og hreyfðu sig ekki... Jón á Hofi einn í ánni að garga á alla... ég þekkti aðstæður þarna þar sem þetta var við okkar merkjagirðigu, en skildi minn hest eftir lengst hinumegin hjá Svandísi sem vissi ekkert hvað var eiginlega í gangi, óð yfir ánna langt uppfyrir og stóð svo hoppandi og gargandi sjóðandi vitlaus með full stígvél af vatni að reyna að láta kindurnar ekki fara yfir á kolvitlausum stað í alltof djúpu og straumhörðu alveg við girðinguna... það hefði verið gaman að þurfa að draga þær uppúr drukknaðar þarna... nokkrir fengu að heyra vel valin orð... alltof fáir samt... manstu eftir þessu Jóhanna ;)

Elska sunnudaga...

Sun, 03 Feb 2008 19:37:07 GMT

Fjandands internet... var búin að skrifa helling um ekkert... aðallega snjóinn sem kom og fór og það datt allt út... kannski fyrir bestu ;) svo í stuttu...

Þá snjóaði í Vejle í gær... falleg stór snjókorn ( næstumþví hundslappadrífa )... yndislegt að labba (að ná í mat í hinum endanum á bænum meðan hvítvínið kólnaði í ísskápnum, very good japanskar núðlur :haha: ) í úlpu með húfu og vettlinga, í gömlum íþróttaskóm með trefil uppað nefi...

Það snjóaði líka í Århus fyrr um daginn... en pæjuskórnir með sleipa botinum, kápa og kútur voru ekki alveg að gera sig þá ;)

Annars er það helst í fréttum að ég vaknaði kl. 9 í morgun... á sunnudegi... frábært alveg... kenni því um að hafa leigt svo leiðinlega mynd ( góð í því ;) ) að ég var sofnuð í sófanum hálf 11... oooooog ég fór í ræktina í dag...

Annars er voða lítið að frétta... ekkert búin að gera í dag nema föndra smá... já föndra... sit umkringd allskonar dóti og lími og nál og tvinna ;)... en hjá ykkur...

aaa... by the way... þá eru að byrja þættir sem heita Womens murder club... líklega byggðir á snilldarbókum James Patterson... spennandi :haha:

Svo stutt en samt svo langt...

Thu, 31 Jan 2008 20:11:21 GMT

Trúiði því... ég er búin að vera í DK í heilt ár...

Nákvæmlega 31.jan 2007 kvaddi ég Arnar frænda og Kristínu á flugvellinum í Kef. ( þegar hann var búinn að borga yfirvigtina fyrir mig ;) ) og flaug af stað í nýjan kafla í lífinu.... ég man svo vel hnútinn/fiðringinn í maganum þegar ég var í lestinni að koma til Vejle þangað sem ég var sótt... og nú er liðið heilt ár....

Þetta er búið að vera svo fljótt að líða... en samt stundum svo langt...

Hressleikinn uppmálaður...

Tue, 29 Jan 2008 20:46:28 GMT

Fyrir utan það að vera með hor útum allt, hnerrandi á 5 mínútna fresti ( eða ekki hnerrandi af því að hann kemur ekki, heldur kitlar bara endalaust í nefið ), klæjar í eyrunum og gómnum með rauð augu.... þá er ég að kenna í þessu ástandi... vúhú

Annars hef ég það bara fínt.... en þið...

Fínasta helgi...

Sun, 27 Jan 2008 17:32:41 GMT

Ótrúlega gaman í gær :haha:

Kannski af því að væntingarnar voru í lágmarki... en vissum ekki alveg hvað við vorum að fara útí... en fullt af fólki og ótrúlega gaman... kynntumst strax 2 stelpum sem settust hjá okkur og þær voru bara snilld... þær eru báðar frá Billund... og við erum búnar að stofana single-klúbb og plana fimmtudags-kúreka-djamm-eitthvað í Billund næsta sumar...

Ég var samt spurð oftar en einu sinni hvort ég væri að æfa í fittness... fólk var ekkert að kannast við að hafa séð mig... það fer greinilega svona lítið fyrir mér... í bæði skiptin... ;) en það stendur til að bæta úr því... þau vita ekki hvað það er gífurlegt aftrek hjá mér að hafa farið í þessi 2 skipti... á ævinni... hehe

Fórum snemma á Krokowski og ég verð... bara verð... að koma hérna inn mynd af drykknum sem ég fékk... frosen strawberry daqari í risa risa glasi... þurfti báðar hendur til að halda á því :haha: hehe... það var samt ennþá frosen þegar ég kláraði það ;)

Einar og Eva komu líka þangað... til að toppa kvöldið...:haha: vorum í góðu stuði á dansgólfinu... vúhú

Vel gert Danmörk... þeir voru að vinna Evrópumeistaratitilinn :haha:

Námskeið í næstu viku... aftur á Hotel Opus í Horsens... ég verð 5 kílóum feitari eftir þessa viku ef ég passa mig ekki... ótrúlega góður matur og endalaust vel hugsað um okkur...

11...

Thu, 24 Jan 2008 21:17:49 GMT

Ellefta sæti er ekki svo slæmt...

Hefði getað verið betra jú... en ég er stollt af okkar mönnum... sé til dæmis ekki þetta "frábæra" fótboltalið okkar státa af álíka árangri á einu einasta móti... handbolti er líka miklu skemmtilegri... þar gerist eitthvað ;)

Nú er bara að hysja uppum sig og komast á ÓL...

Spennt að sjá líka hver verður nýr þjálfari... gott viðtal við Alfreð á Í blíðu og stríðu... http://www.ibliduogstridu.is/bloggid/alfred_haettur_sem_landslidsthjalfari/

Vikan gekk vel... mjög vel eiginlega bara :haha: samt gott að vera komin í sófann... reyndar með hor og hausverk... en hleyp það bara í burtu í ræktinni á morgun og tek góða gufu á eftir... hef engann tíma til að vera veik... annað námskeið í næstu viku og vinna að hugmynd að nýju "branding" workshop-i sem mér datt í hug í dag... spennandi....:haha:

Vel gert strákar...

Wed, 23 Jan 2008 21:00:32 GMT

Já já já já..... nei nei nei nei.... koma svo.... það var lagið... já já já.... meira svona strákar... jáááááááá.... halda þessu.... neeeeei... já... koma.... ekki hætta.... já já já... ekki missa þetta niður... góður... meira svona.... jááááá... og fullt fleira...

Ég veit ekki hvað fólk hefur haldið um hljóðin sem bárust úr herbergi 415... en þetta var klárlega góður leikur... loksins...

Annars fannst mér nú Ungverjarnir beita hálfgerðum bolabrögðum á pörtum... haldandi í hendina á mönnum og lemja í magann... :evil: beið eftir að þeir þrykktu viljandi í andlitið á Hreiðari... svona fólk sko... var ekki að fíla þennan með hvíta hárbandið...

Annars gegnur fínt hér í Horsens... allir glaðir og hótelið frábært... hlakka bara til að koma aftur í næstu viku....

booooring...

Mon, 21 Jan 2008 21:11:27 GMT

Ég var frekar óhress með nýju vini mína hjá tv2 sputnik í gær.... sáum slitrur úr fyrrihálfleik og síðan ekki söguna meir... hlustuðum á útsendinguna á rás2 í staðin... ég frekar pirruð gat ekki einu sinni setið kyrr heldur fór að taka til í fatakompunni minni... Einar og Stjána til mikillar gleði og gríns... þeim finnst nefnilega ekkert leiðinlegt að pirra mig og vera sniðugu kallarnir... sem endaði með því að ég nennti ekkert að elda handa þeim og við fórum bara á Bones... franskar bernesósa og bbq rif og allir í gott skap aftur ;) en fatakompan lítur amk miklu betur út...

ble...

Ligg í þessum skrifuðu á hóteli í Horsens (glænýju geðveikt flottu)... verý næs... alveg að sofna en verð að bíða til amk 11... þá eiga þau síðustu að mæta... námskeið með Vila fólki þessa viku...

Tölvan alveg að verða batteríislaus... fj hleðslutækið varð eftir í Vejle...

en þetta er hundleiðinlegt blogg hvorteðer...

Partý á lau samt... ég og hún Benita sem fer með mér í ræktina (amk annað skiptið... erum ekki komnar lengra) erum að fara á eitthvað djamm með fólki þaðan... 90 manns á hlaðborði á La Tasca (uppáhalds) og svo allir á Krakowski... vúhú... veit ekki alveg hvað ég var að láta plata mig í... en maturinn verður amk klárlega þess virði...

Annar....

Sat, 19 Jan 2008 15:51:09 GMT

Með hausverk eftir gærkvöldið.... hvað er það... ég var edrú...

Á morgun má ég hafa hausverk... ég ætla ekki að vera edrú í kvöld... :haha:

Strákarnir að koma að horfa á leikinn e. hálftíma og ég sit í sófanum á náttbuxunum... betra að fara að gera eitthvað hérna...

Verð samt snögg að hafa mig til... þarf bara að mála annað augað... reyndar að reyna að hafa það í stíl fallegu skygginguna á hinu... bara slatta af bláu og fjólublátt oná...

Ekki nóg með það að ég sé með hausverk, heldur fékk ég nefnilega líka þetta fallega glóðurauga frá yfirmanninum mínum í gær... takk Søren...

Vinnudjammið var samt hressadi... sæmilegur matur og gott partý... við tvær sem vorum edtrú vorum samt í mesta stuðinu... já og einn sérlega taktlaus sem vildi alltaf vera að dansa við mig tsja tsja tsja og eitthvað hliðar saman hliðar... voða stolltur af því að hafa farið í einn danstíma... hehehe... gott partý samt...

Annar leikur í dag... ég er klár í slaginn...

ojjjjj....

Thu, 17 Jan 2008 21:38:07 GMT

Fúl og svekkt uppí sófa...

Þetta var klárlega ekki það sem ég átti von á... :$

En ég hef fulla trú á strákunum á lau og sun... það þýðir ekkert að gefast upp...

Loksins...

Tue, 15 Jan 2008 20:12:23 GMT

Tók skóna úr kassanum og sleit merkimiðann af buxunum...

Já þið megið klappa.... ég fór í ræktina í dag :haha:

Illa dugleg... hehe... ætti nú ekki að segja frá því en lærin voru farin að öskra af sársauka löngu áður en ég var búin með loftið... samt tók ég bara rólega áðví...

Í næsta tíma er planið að svitna aðeins ;)

EM....

Mon, 14 Jan 2008 22:46:47 GMT

Jæja.... er fólk ekkert að verða jafn spennt fyrir EM og ég...:haha:

Meiraðsegja búin að leita aðstoðar hjá sérfræðingi í þessum málum svo ég missi nú örugglega ekki af neinu... vúhú... á eftir að vera hér ein hoppandi og öskrandi á tölvuna... þetta verður stuð :haha: